‘ डाक्टर चोर देश छोड ’ नारा सुन्दा धुरुधुरु रोएँ !!

नारायणी अस्पताल वीरगञ्जमा कार्यरत चिकित्सक र स्वास्थ्यकर्मीहरुमा कोरोना अत्याधिक संक्रमण देखिएसँगै अस्पतालले आकस्मिक बाहेकका सेवा बन्द गरेर कोभिड-१९ का जटिल बिरामी मात्र भर्ना गर्न थाल्यो। त्यसकारण अस्पताल अन्य बिरामी रिफर गर्न बाध्य भयो। तर, अन्यत्र लगेका केही बिरामीलाई बचाउन नसक्दा नारायणी अस्पताल रणभूमि बन्न पुग्यो।अनि ज्यान नै हत्केलामा राखेर उपचारमा तल्लिन चिकित्सक र स्वास्थ्यकर्मी माथि जाईलाग्न पुगेका हुलका हुल जमातले ‘डाक्टर चोर,देश छोड’ भन्दै नारा लगाए।